«Челси» ўзининг бразилиялик ярим ҳимоячиси Виллиан билан шартномани узайтириш бўйича музокараларни давом эттирмоқда.

The Times хабарига кўра, лондонликлар жамоаси у билан 4 йиллик янги шартнома тузиб, унинг маошини ҳафтасига 120 минг фунт қилиб белгилаб қўйишмоқчи.

27 ёшли бу футболчининг жамоа билан амалдаги шартномаси 2019 йилгача тузилганди. Жамоа янги мавсум арафасида ЕЧЛдан четда қолиши мумкинлиги туфайли асосий етакчиларидан бирини шароитлари яхшиланган янги шартнома бериш орқали таркибда сақлаб қолишни режалаштирган.

Жорий мавсумда Виллиан жамоа учун 40та ўйин ўтказди ва 12та гол уриб, 4та голли узатма муаллифи бўлди.