Англиянинг «Манчестер Сити» клуби бош мураббийи Мануэль Пеллегрини Европа чемпионлар лигасининг 1/8 финал босқичидан ўрин олган Киевнинг «Динамо» жамоасига қарши учрашув (3:1) борасида ўз фикрларини билдириб ўтди.

«Жудаям хурсандман. Чунки бу ажойиб натижа. Қарама-қаршиликда ғолиб масаласи ҳозирча ҳал бўлганича йўқ, бироқ меҳмондаги учрашувда икки тўп фарқи билан ғалаба қозониш – бу ажойиб.

Ҳисоб 2:1 бўлиб турганида бироз иккиланиш палласи кузатилаётганди, бироқ кейин биз учинчи голни киритдик.

Футболда ҳали ҳаммаси тугамаганини эсдан чиқармаслик муҳим, бироқ учинчи гол бизга жавоб учрашуви олдидан катта ишонч тақдим этди», – дея Пеллегринидан иқтибос келтиради УЕФА расмий сайти.