“Арсенал” жамоаси бош мураббийи Арсен Венгер Чемпионлар лигасидан ўрин олган “Барселона”га қарши жавоб учрашувидан яхши натижадан умид қилиб турганлигини маълум қилди.
- Дастлабки учрашувда яратилган имкониятлардан фойдалана олмаганимиз сабабли, мағлубият аламини тортиб кўришга мажбур бўлдик. Жавоб баҳсида эса ҳаммаси яхши бўлишига ишончим комил. Биз “Барселона” майдонига фақат ғалаба учун борамиз. Олдимизда 90 дақиқа бор. Бу вақт давомида вазиятни ўнглашни уддасидан чиқа оламиз, - дейди франциялик мутахассис.
