Хабарингиз бор, янги мавсумга астойдил ҳозирлик кўраётган Тошкентнинг “Обод” клуби айни пайтда БААнинг Дубай шаҳрида йиғин ўтказмоқда.
Олий Лиганинг янги аъзоси ушбу йиғин давомида бир қатор жамоалар билан синов-назорат баҳсларида майдонга тушмоқда. Дастлаб “Обод” Хитойнинг “Бейжинг Гуоан” жамоаси билан 1:1 ҳисобида дуранг ўйнаганди. Сўнгра Хитойнинг “Ганчжоу Гринтаун” клуби билан бўлган ўртоқлик ўйини ҳам дуранг билан тугади - 2:2.
Таъкидлаш жоиз, “Обод”нинг мазкур йиғини 28 февралга қадар давом этади. Шундан сўнг жамоа аъзолари Тошкентга қайтиб келишади ва Олий Лиганинг 1-тур учрашувларии доирасида “Қўқон-1912”га қарши кечадиган ўйинга тайёргарликни бошлайди.
Жамоа уйга қайтиш олдидан ҳам яна бир учрашув ўтказишни режалаштирган.
