Туриннинг "Ювентус" клуби посбони Жанлуижи Буффон Италия чемпионати 27-турида "Интер"га қарши баҳсда ўз дарвозаси дахлсизлигини сақлади ва голсиз сериясини 746 дақиқага етакзиб, рекордини янгилади.
Бу борадаги мутлоқ рекорд "Милан"нинг собиқ афсонавий дарвозабони Себастьяно Россига тегишли бўлиб, у 1993/94 мавсумда 929 дақиқа давомида дарвозаси дахлсизлигини сақлаб келган. Унинг бу рекордини эса "Фожи" форварди Игор Коливанов йўққа чиқарган.
Эслатиб ўтамиз, яқинда Франциянинг France Football нашри Буффонни тарихдаги энг яхши дарвозабон дея эътироф этган эди. У 44% овоз олиб, рақибларини ортда қолдирган.
