Англиянинг «Манчестер Сити» клуби бош мураббийи Мануэль Пеллегрини Англия чемпионатининг 28-туридаги «Ливерпуль»га қарши учрашув (0:3) борасида ўз фикрлари билан ўртоқлашди.

«Бундай вазиятларда сабаб топиш қийин, аммо ўйлашимча биз ўтган ҳафтадаги ўйиндан кейин ўзимизни қайта тиклай олмадик. Чемпионлар Лигаси ва Лига Кубоги финалидан кейин биз ўзимизни тўлиқ яхши ҳис қила олмадик. «Ливерпуль» бугун яхши ўйнади.

Охирги 2 кунда футболчилар қайта тикланиши учун енгил машғулотлар ўтказдик. Аммо бугун рақиб барча яккакурашларда ғалаба қозонди ва биздан тезроқ ҳаракат қилди.

Бизда ҳужум қилиш, хавфли вазиятларни яратиш ўхшамади.

АПЛ чемпионлиги учун кураш янада қизиқ кечадиганга ўхшайди, биз ҳам курашни давом эттирамиз», – таъкидлади мураббий.