Хабарингиз эртага яъни 5 март куни Олий лига -2016 футбол мавсуми бошланади. Ўзимизни футболни соғинган футбол ишқибозлари учун бу қувонарли воқеадир. Юртимиз футбол ишқибозлари ўз севикли жамоаларини қўллаб-қувватлаш учун стадионга ошиқишади.
Қарши шаҳрида эса катта футбол байрами давом этади, 6 март куни “Насаф” жамоаси ўз майдонида воҳамизнинг олий лигадаги яна бир вакили Ғузорнинг “Шўртан” жамоасини ўз майдонида қабул қилади.
Ва ниҳоят, шу куни “Насаф” сафига жорий мавсумдан келиб қўшилган черногориялик легионер футболчи -Деян Больевични ўйинига гувоҳ бўлишлари мумкин. Рўзиқул Бердиевнинг жамоага ўйинчи танлашда адашмаслигини ҳисобга олсак, бу ўйинчидан кўп сюрпризлар кутиш мумкин.
“Насаф” ва “Шўртан” жамоалари ўртасидаги учрашувни бевосита стадионда томоша қилишни режалаётган мухлислар эртадан яъни 5 март шанба кунидан “Марказий” стадион қошидаги кассалардан чипта харид қилишлари мумкин.
Шуни алоҳида таъкидлашни ҳоҳлардикки, ўтган “Насаф”-“Ал-Аҳли” учрашувида қалбаки чипталар билан стадионга келган мухлислар ҳам аниқланган. Шунинг учун ўйинга чипталарни фақат стадион кассаларидан харид қилишингизни сўраймиз. Чунки, шаҳарнинг бошқа жойларида чипталар сотуви ташкил этилмайди. Бошқа жойда харид қилган чипталарингиз қалбаки бўлиши мумкин, эҳтиёт бўлинг.
Эслатиб ўтамиз, Олий лига -2016, 1-тур доирасидаги “Насаф” – “Шўртан” учрашуви 6 март якшанба куни соат 17:00да бошланади.
