“Қўқон-1912” – “Обод” учрашувидан кейин ўтказилган матбуот-анжуманининг биринчи қисмида меҳмонлар устози Шавкат Абдухўжаев иштирок этди.

— Авваломбор, мухлисларни чемпионат бошлангани билан табриклайман. Бугунги ўйин ҳақида гапирадиган бўлсак, ўйин тенг курашлар остида ўтди. Вазиятлардан фойдалана олмадик. Бундан ташқари, Андрей Бакланов яхши ўйин намойиш этди. Бугунги ўйиннинг қаҳрамони айнан Андрей бўлди, десам муболаға бўлмайди.

— Мавсум арафасида жамоа Павел Соломинни ҳисобга олмаганда, деярли трансферни амалга оширмади. Асосан, ёшларга ишонч биляпсизлар. Бу таркиб билан сизларга осон бўлмаслиги мумкин?
— Фикрингизга тўлиқ қўшиламан. Мавсум давомида бу муаммо юзага келиши мумкин. Лекин ҳар бир жамоа ўз имкониятларидан келиб чиқиб трансферни амалга оширади. Биз ҳам шундай қилдик.

— Павел Соломиннинг бугунги ўйинидан кўнглингиз тўлдими?
— Ҳатто суперюлдузлпар ҳам хато қилишади. Павел вазиятни голга айлантира олмагани чакки бўлди. Ўйлайманки, кейинги ўйинларда у бизга ёрдам беради.