Олий Лига-2016 илк турида Тошкентнинг “Бунёдкор” жамоаси Фарғонанинг “Нефтчи” клубига қарши баҳс юритди ва 2:0 ҳисобида ғалаба қозонди. Учрашувда фарғоналиклар сафида энг фаоллардан бири бўлган Сардор Эминов нинг ўйин борасидаги фикрлари билан қизиқдик.
- Афсус, жамоамиз янги мавсумни мағлубият билан бошлади. “Бунёдкор” чиндан кучли клуб эканини кўрсата олди. Аммо биз ҳам рақибга имкон қадар қаршилик кўрсатишга уриндик. Ғалаба қозонишни жуда ҳам истагандик. Лекин якунда мағлуб бўлдик. Бу менинг “Нефтчи” таркибидаги илк расмий ўйиним эди. Умид қиламанки, кейинги учрашувларда яхши ўйин намойиш этамиз ва мухлсиларимизга чиройли ғалабалар тақдим этамиз, - дейди маҳоратли футболчи.
