Европанинг ўртамеёна чемпионатлари қаторида эътироф этилаётган Сербия Суперлигасида 25-тур учрашувлари бўлиб ўтди.

Бу турда ҳамюртимиз Ҳусниддин Ғофуров ўйнаётган “Явор Матис” жамоаси “Чукарички” уйига сафар уюштирди. Анчагина муросасиз руҳда ўтган баҳсда белградликлар ғалаба қозонишди. “Чукарички”га ғалаба олиб келган ягона голни ўйиннинг 57-дақиқасида Андрия Павлович киритди.

“Явор” сафида миллий терма жамоамизга номзод футболчи саналган Ҳусниддин Ғофуров бошланғич таркибда майдонга чиқди ва 74 дақиқа ўйнади. Сўнг ҳамюртимиз захирага олинди.

Таъкидлаш жоиз, Иваницанинг “Явор Матис” жамоаси 31 очко билан мусобақа жадвалининг 8-поғонасини эгаллаб турибди.