Қатар Юлдузлар Лигасида 21-тур учрашувлари старт олгани ва унда “Ал Вакра”ни 5 та тўп фарқи билан мағлуб этган “Ал Райян” муддатидан олдин мамлакат чемпионлигини қўлга киритгани ҳақида хабар берган эдик.
Шунингдек, ҳамюртларимиз Сардор Рашидов ҳамда Санжар Турсунов ўйнаётган жамоалар ҳам тур доирасидаги матчларини ўтказишди. “Ал Жаиш” “Месаимир” жамоаси уйига сафар уюштирди. Анчагина қизиқарли тарзда кечган матч 1:1 ҳисобида якунига етди. Ҳамюртимиз Сардор Рашидов ўйинни асосий таркибда бошлади ва 71 дақиқа ўйнади.
“Месаимир” – “Ал Жаиш” 1:1
Голлар: Ҳамедаллаҳ 50 - Левел 60
Санжар Турсунов ўйнаётган “Умм Салал” эса мусобақа жадвалида 3-ўринда бораётган “Лаҳвия”га қарши баҳс олиб борди. Мазкур матч ҳам 1:1 ҳисобида тугади. Миллий термамиз ярим ҳимоячиси ўйинда тўлиқ 90 дақиқа ўйнади.
“Лаҳвия” – “Умм Салал” 1:1
Голлар: Диоики 65 – М. Исмоил 79
