«Реал» жамоаси ҳужумчиси Криштиану Роналду ЕЧЛнинг нимчорак финалида «Рома»га қарши ўтказилган учрашувда асосий таркибда майдонга чиқди.

Бу учрашув 31 ёшли ушбу футболчи учун ЕЧЛ плей-офф босқичларидаги 57-учрашув бўлди ва у бу борадаги рекордни ўрнатди.

Бунгача у «Барселона»нинг собиқ футболчиси Хави билан биргаликда 56талик кўрсаткич қайд этиб турганди. Айни вақтда «Порту» шарафини ҳимоя қилаётган дарвозабон Икер Касильяс ҳисобида эса ЕЧЛ плей-оффларида ўтказилган 55та учрашув бор.

Шунингдек, бу борадаги рўйхатни «Барселона» аъзоси Андрес Иньеста (53), «Нью-Йорк Сити» хавбеки Фрэнк Лэмпард (52), «Барселона» ҳужумчиси Лионель Месси (51) ҳамда трансфер ҳуқуқи «Манчестер Юнайтед»га тегишли бўлган, фаолиятининг асосий қисмини «Барселона»да ўтказган Виктор Вальдес (51) давом эттирган.