“Олмалиқ” –“Насаф” (2:1) ўринбосарлари учрашувидан кейин “Насаф” ёшлари устози Зафар ХОЛМУРОДОВ беллашув ҳақида ўз фикрларини билдириб ўтди.

-Ўйиннинг биринчи бўлими тенг курашлар остида кечсада, иккинчи бўлимда устунлик тўлиқ биз томонда бўлди, -дейди З. Холмуродов. – Дастлаб мезбонлар гол уришди, кейин тезда жавоб қайтардик. Ҳисоб 1:1 бўлиб турган пайтда Дилшод Хушбаковда гол уриш учун яхши имконият бўлди. Аммо “Олмалиқ” ҳимоячиси бир вазиятда тўпни дарвоза чизиғи устидан қайтариб, жамоасини голдан сақлаб қолди. Шундан кейин ҳам бизда ҳисобда олдинга чиқиб олиш учункўплаб имкониятлар бўлди. Аммо вазиятларни голга айлантиришда, бироз аниқлик етишмади. Ўйин охирида белгиланган пеналтидан кейин, афсуски, вазиятни ўнглашга вақт етмади.