“Ғофур Ғулом”номидаги нашриёт-матбаа ижодий уйи «Бир жамоа — бир орзу! Ўзбекистон миллий терма жамоаси” номли китобни нашрдан чиқарди. Ушбу китобда Ўзбекистон миллий терма жамоаси тарихи, мусобақалардаги иштироки, жаҳон чемпионати саралаш боқичидаги ўйинлари, таркиби, рекордчилари, бош мураббийлари, терма жамоанинг етакчи ўйинчилари, Ўзбекистон миллий терма жамоаси барча ўйинлари статистика маълумотлари жой олган.



Шунингдек китобда менинг “Ўзбекистоннинг ФИФА рейтингидаги энг юқори ва энг қуйи ўринлари”, “Ўзбекистон терма жамоасининг дарвозабонлари”, “Ўзбекистон терма жамоасида энг кўп ўйнаган, гол урган, сариқ карточка олган ва гол уролмайдиган ҳужумчилар рейтинги”, “Ўзбекистон терма жамоасида энг кўп ўйнаган, гол урган, сариқ ва қизил карточка олган ҳимоячилар рейтинги”, “ Ўзбекистон терма жамоасида энг кўп ўйнаган, гол урган, сариқ карточка олган ва гол уролмайдиган ярим ҳимоячилар рейтинги”, “Ўзбекистон терма жамоасининг мағлубиятсиз сериялари ТОП-10 рейтинги”, “Ўзбекистон терма жамоаси мураббийларининг дастлабки 5 ўйиндан кейинги натижалари”, “Ўзбекистоннинг бошқа қитъа вакиллари устидан қозонган ажойиб ғалабалари”, “Ўзбек футболининг эришган энг яхши натижалари” номли статистик-мақолаларим ҳам ўрин олди.

Мазкур китоб 14-март куни сотувга чиқади. 15-март куни Осиё Чемпионлар лигасининг 3-туридан ўрин олган “Бунёдкор” – “Зоб Аҳан” учрашуви олдидан “Бунёдкор” стадионида ушбу китоблар сотуви йўлга қўйилади. Шунингдек Ўзбекистон терма жамоасининг Филиппин ва Баҳрайн термаларига қарши ўйинларида ҳам китоблар сотуви  ташкиллаштирилади.

Айни пайтда Ўзбекистон чемпионатида иштирок этувчи бошқа клублар билан ҳам, ўйинлардан олдин ушбу китоб сотуви йўлга қўйилиши режада бор.

Фурқат Юсупов