Тошкентнинг “Бунёдкор” жамоаси 16 март куни Осиё Чемпионлар лигаси 3-тур учрашувини ўтказади.
Шу куни “қалдирғочлар” Эроннинг “Зоб-Оҳан” клубини қабул қиладилар.
ОФК “Бунёдкор” – “Зоб-Оҳан” учрашувига тайинланган ҳакамлар гуруҳини маълум қилди. Унга кўра, баҳсни Петр Грин бошчилигидаги австралиялик ҳакамлар гуруҳи бошқариб борадилар. Қайд этиш керакки, Грин бунгача фаолияти мобайнида “қалдирғочлар” иштирокидаги битта баҳсда бош ҳакамлик қилган. Аниқроғи, 2009 йилги мусобақанинг гуруҳ босқичи доирасидаги “Бунёдкор” – “Ал-Иттифоқ” (2:1) баҳсини айнан ушбу рефери бошқариб борган эди.
Осиё Чемпионлар лигаси-2016
“В” гуруҳи, 3-тур
16 март, чоршанба
“Бунёдкор” стадиони. Соат 18:00
“БУНЁДКОР” (Ўзбекистон) – “ЗОБ-ОҲАН” (Эрон)
Рефери: Петер Грин (Австралия)
Рефери ассистенти 1: Антон Шчетинин (Австралия)
Рефери ассистенти 2: Канат Закария (Сурия)
Заҳира ҳаками: Тавил Ферас (Сурия)
Ҳакамлар эксперти: Ҳалил Иброҳим Ал-Гамди (Саудия Арабистони)
Учрашув комиссари: Принц Руфус (Ҳиндистон)
