Бугун, 16 март оқшомида Европа Чемпионлар лигасининг жорий мавсумидаги яна 2 учрашув бўлиб ўтиши кутилмоқда.

Уларнинг бирига Барселона шаҳридаги "Камп Ноу", иккинчисига эса Мюнхендаги "Альянц Арена" мезбонлик қилади.

Бу жуфтликларнинг 23 февраль куни ўтказилган илк учрашувларида «Бавария» сафарда «Ювентус» билан 2:2 ҳисобида дуранг натижа қайд этган, «Арсенал» эса «Барселона»дан 0:2 ҳисобида енгилганди.

Туринликлар бош мураббийи Массимилиано Аллегри бу ўйинда 3:3 ҳисобидаги дурангга умид қилишини билдирган.

«Арсенал»нинг вазияти эса қийинроқ, лондонликлар кейинги босқичга чиқиш учун «Барселона» дарвозасига 2та гол уриб, ўз дарвозаси дахлсизлигини сақлаши ҳамда қўшимча вақтларга ўтилиши мумкин. 2:0 ҳисобидан юқори 2та тўп фарқи билан қозонилган ҳар қандай ҳисобдаги ғалаба Арсен Венгер шогирдларини қаноатлантиради.

Бугунги ўйинлар Тошкент вақти билан соат 00.45да бошланади.

Мюнхендаги учрашувга Йонас Эрикссон бошчилигидаги швециялик ҳакамлар бригадаси тайинланган, Барселонадаги учрашувда эса Сергей Карасаев бошчилигидаги россиялик ҳакамлар ишлашади.