Аввал хабар берганимиздек, Ўзбекистон миллий терма жамоаси 17 мартдан бошлаб, Тошкентда ўқув-машғулот йиғинини ўтказмоқда.

Самвел Бабаян бошчилигидаги жамоа машғулотларни “Жар” стадионида олиб боряпти. Жаҳон чемпионати-2018 иккинчи саралаш босқичи доирасидаги сўнгги икки ўйинга тайёргарлик кўриш мақcадида щтказилаётган йи-инга жалб этилган футболчилар рўйхати ЎФФ расмий сайти орқали аввалроқ маълум қилинган эди.

Ушбу футболчилар рўйхатига киритилган терма жамоанинг икки нафар аъзоси – “Бунёдкор”нинг ҳужумкор ярим ҳимоячиси Достон Ҳамдамов ҳамда “Пахтакор” клуби аъзоси Жалолиддин Машарипов саломатлиги борасидаги муаммолари сабаб терма жамоа лагерини тарк этди. Ҳамдамов даволаниш курсларига эҳтиёжи бор бўлгани сабаб терма жамоа билан машғулотларни тўхтатишига тўғри келди ав унинг ўрнига “Бунёдкор”нинг боiқа бир футболчиси – Акром Комилов мамлакат асосий жамоаси машғулотларига жалб этилди.

Жамолиддин Машариповни бўлса Ўзбекистон терма жамоасининг машғулотлари давомида жароҳти безовта қилди ва унга ҳам мураббийлар штаби даволаниш учун жавоб беришди.

Эслатиб ўтамиз, Ўзбекистон миллий терма жамоаси Жаҳон чемпионати-2018 иккинчи саралаш босқичи доирасидаги навбатдаги ўйинни 24 март куни “Бунёдкор” стадионида Филиппин терма жамоасига қарши ўтказади. 29 март куни эса айнан шу ўйингоҳда Баҳрайнга қарши майдонга тушади. Ҳар икки ўйин ҳам соат 18:00да бошланади.