"Барселона" клуби ва Испания терма жамоаси ярим ҳимоячиси Сержи Бускетс қўлини синдириб олди. У терма жамоа йиғинининг дастлабки кунида шундай муаммога йўлиқди.
Чемпионат.com'нинг "Mundo Deportivo"га таяниб тарқатишича, Бускетснинг бармоғи синган. Ярим ҳимоячи Италия (24 март) ва Руминия (27 март) билан ўйинларда терма жамоага ёрдам бера олмайди.
Футболчи энди «Барселона»га қайтади ва тиббий текширувдан ўтади. Жароҳатнинг қай даражада жиддийлиги ва тикланиш учун қанча вақт кетиши ҳозирча маълум эмас.