Ҳозирги кунга келиб кучли бешли чемпионати ўзининг қизғин палласига кириб улгурган. Айни пайтда барчанинг диққат марказида шубҳасиз - Англия чемпионати. АПЛда бу мавсум “Лестер” яхшигина сюрпризга айланди. Улар йўлидан чиққан рақибни четга суриб қўйишмоқда. Натижада “тулкилар” турнир жадвалида пешқадамликни ўз қўлларига олишган. Табиийки бу Клаудио Раньерининг қўллаётган тактикаси натижа бераётганидан дарак.
“Лестер” бугунги кунга келиб Англияда енгилмас жамоага айланиб бормоқда ва шу билан биргаликда “тулкилар” чемпионлик сари муҳим қадамларни ташламоқда. Раньери жамоаси кучли рақибларни доғда қолдиряпти. Бу эса футболчиларда ҳам чемпионлик хиссини уйғотмоқда.
Аммо “Лестер” ҳозирча чемпионликни нақд қилганича йўқ. Чунки “тулкилар”ни олдинда бир қатор кучли клублар кутиб туришибди. Булар “Саутгемптон”, “Сандерленд”, “Вест Хэм”, “Суонси”, “Манчестер Юнайтед”, “Эвертон” ва “Челси”.
Айни пайтда “Лестер” иккинчи ўриндаги “Тоттенхем”дан 5, “Арсенал”дан 11 очкога илгарилаб кетган (“Арсенал”нинг захирасида 1та ўйин бор). Клаудио Раньери жамоасини мавсум сўнггида бир биридан қийин бўлган рақиблар қарши олишади. Агар “Лестер” “Манчестер Юнайтед”гача очко йўқотмасдан, уларни ҳам мағлуб этишни уддаласа, “Эвертон” ва “Челси”га қарши ўйинлар шунчаки расмиятчилик мақоми остида ўтиши мумкин. Аммо бу ишни “тулкилар” қанчалик уддалайди вақт кўрсатади. Эътиборлиси “Лестер” 7 ўйинниг 5тасини апрель ойида ўтказади.
Қуйида “Лестер”ни кутаётган 7 рақиб билан биринчи даврада қайд этган натижалари:
“Саутгемптон” –
“Лестер” 2:2
“Лестер” – “Сандерленд” 4:2
“Вест Хэм” –
“Лестер” 1:2
“Суонси” –
“Лестер” 0:3
“Лестер” – “Манчестер Юнайтед” 1:1
“Эвертон” –
“Лестер” 2:3
“Лестер” – “Челси” 2:1
“Лестер”нинг кейинги 7 турдаги рақиблари:
“Лестер” – “Саутгемптон” 03. 04. 2016
“Сандерленд” –
“Лестер” 10. 04. 2016
“Лестер” – “Вест Хэм” 16. 04. 2016
“Лестер” – “Суонси” 23. 04. 2016
“Манчестер Юнайтед” –
“Лестер” 30. 04. 2016
“Лестер” – “Эвертон” 07. 05. 2016
“Челси” –
“Лестер” 15. 05. 2016
Бекзод ИСАЕВ тайёрлади.
