“Обод” – “Бунёдкор” учрашувидан кейинги матбуот анжуманининг иккинчи қисмида “қалдирғочлар” устози қатнашди.

- “Обод”га қарши ўйинларимиз ҳеч қачон осон бўлмаган. Ўтган йили ҳам кубок доирасида иккита қийин бўлган баҳсларни ўтказгандик. Бу жамоани яхши биламиз. Шу боис бугунги баҳсга таркибда бир нечта ўзгаришлар қилдик. Асосий таркибнинг баъзи футболчиларига хордиқ чиқариш учун имконият яратиб бердик. Агар яратган вазиятларимизни голга айлантирганимизда ҳисоб 6:2 кўринишига келиши ҳеч гап эмасди. Олдимизда муҳим баҳслар бор. Ушбу ўйинлар олдидан кам ўйин амалиётига эга бўлиб турган йигитларга имконият яратишни маъқул кўргандик, - дейди Сергей Иванович.