Биласиз, Ўзбекистон кубоги нимчорак финал дастлабки учрашувлар доирасида Тошкентнинг икки клуби – “Обод” ва “Бунёдкор” ўзаро тўқнаш келишди. Анчагина қизиқарли тарзда ўтган ўйинда 2:2 ҳисоби қайд этилди.

Биз мазкур ўйинда ўзининг фаоллиги билан ажралиб турган Шохруз Норхоновнинг матч борасидаги фикрлари билан қизиқдик.

- “Бунёдкор” – жуда кучли жамоа. Мазкур клубга қарши тенгма-тенг ўйин намойиш этганимиздан хурсандман. Бизга ўйин давомида йўл қўйган бир-иккита хатоимиз панд бериб қўйди. Умуман олганда, қайд этган натижамиз ёмон бўлмади, уни қониқарли, десак бўлади. Энди кейинги жавоб баҳсида анчагина тер тўкишимизга тўғри келади. “Бунёдкор”ни ўз майдонида мағлуб этишимиз керак бўлади. Бундан ўзга илож йўқ, - дейди ёш футболчи.