Мамлакат кубогининг нимчорак финалида “Қўқон-1912” жамоасига қарши ўйин якунига етгач, асосий таркиб аъзоларига қисқа муддатлик таътил эълон қилинганди.
Бугундан бошлаб, футболчиларимиз Жиззахнинг “Сўғдиёна” клубига қарши учрашувга тайёргарликни бошлашди. Россиялик ҳимоячимиз Игорь Голбаннинг оёғидаги кичик жароҳати безовта қилганлиги сабабли машғулотларда қатнаша олмаяпти. Қолган футболчиларнинг барчаси бугунги машғулотда иштирок этди. “Сўғдиёна” жамоаси билан ўтадиган ўйин 2 апрель куни “Марказий” ўйингоҳда соат 16.30да бошланиши маълум бўлди. Жамоаларнинг ёшлари ўртасида ўтадиган ўйин эса 1 апрель куни Тўрақўрғондаги “Ёшлик” ўйингоҳида соат 16.00да бошланади.
