ЖЧ-2018 турнирига иккинчи саралаш 10-турида Ўзбекистон терма жамоаси ўз майдонидаБаҳрайн термасини қабул қилди ва Сардор Рашидовнинг ягона гли эвазига минимал ҳисобда ғалаба қозонди.Мазкур учрашувдан сўнг ташкил этилган матбуот анжуманининг иккинчи қисмида мезбонлар устози Самвел Бабаян иштирок этди.

- Ўйин биз кутгандан оғирроқ кечди.Баҳрайн ҳам ажойиб ўйин намойиш қилди. Мақсадга эришишимиз осон бўлмади. Мухлисларни бугунги ғалаба билан табриклайман. бунга яхши тайёргарлик кўрган эдик.

- Андреев бугун жароҳат олиб майдонни тарк этган Виталий Денисов ўрнида яхши ўйнади. Умуман барча футболчилар яхши ҳаракаат қилишди. Улардан миннатдорман.

- Жамоанинг бугунги ўйинига келадиган бўлсак,узоқ пасларни орқали эмас, қисқа ва маркказ орқали ўйин ташкил қилишга ҳаракат қилдик. Бундан ташқари ҳимояланишда ҳам деярли хатога йўл қўймадик. Футболчилар ўз вазифаларни яхши бажарди.

- Барча жамоаларда кучсиз томонлар бор. биз булар устида иш олиб боряпмиз.

- Кейинги ўйинларга беш ой вақт бор. Ўртоқлик учрашувлари ташкил этиладими?

- Бу борада биз ўз режаларимизни ишлаб чиққанмиз. Кейинги ўйинларгача, ФИФА кунлари бўлади. Ўшанда қуръа ташлангандан кейин рақиблар маълум бўлади. Албатта, Европа ва Америка қитъаси термалари бўлиши мумкин.

Эслатиб ўтамиз, ушбу саралаш босқичида Ўзбекистон терма жамоаси 21 очко тўплаган ҳолда "Н" гуруҳида биринчи ўринни қўлга киритган бўлса, КХДР 16 очко билан иккинчи поғонани банд этди. Кучли учликка эса Филиппин термаси 10 очко билан якун ясаб берди.