Мюнхеннинг “Бавария” клуби ярим ҳимоячиси Арьен Роббен жароҳат сабаб мавсумнинг қолган қисмини ўтказиб юбориши мумкин. Клуб расмий сайтининг хабар беришича, голландиялик футболчи жароҳат сабаб беш ҳафтага сафдан чиқди.

2015/2016 йилги мавсумнинг ўзида бир неча бор жароҳат олган Роббен “Бенфика”га қарши ўтказиладиган Чемпионлар лигаси доирасидаги 1/4 финалнинг ҳар икки учрашувини ўтказиб юборади. Жорий мавсумда Арьен Бундеслигада 15та учрашувда майдонга тушиб, 4та гол киритган.













