«Бавария» дарвозабони Мануэль Нойер Бундеслиганинг 28-турида «Айнтрахт» билан учрашувда ўз дарвозасидан бирорта тўп ўтказиб юбормади. Учрашув 1:0 ҳисоби билан мюнхенликлар фойдасига якунланди.
Бу ўйин дарвозабон учун Бундеслига доирасидаги 150-«қуруқ» учрашув бўлди.
Айни вақтда Нойер бу борада «Карлсруэ» ва «Бавария» жамоаларининг собиқ дарвозабони Оливер Кан ва «Оффенбах Киккерс», «Вердер» ва «Шальке» жамоалари дарвозаларини қўриқлаган Оливер Рекдан ортда қолмоқда.
Рекнинг ҳисобида 172 та «қуруқ» ўйин, Каннинг ҳисобида эса 196 та шундай ўйин бор. Нойер бундеслигада ўтказган 311 та ўйинидан 150 тасида ўз дарвозасидан тўп ўтказиб юбормаган.
