“Манчестер Юнайтед” клуби раҳбарияти “Олд Траффорд” стадионидаги жанубий трибуналардан бирига сэр Бобби Чарльтон номи берилишини маълум қилганди. Кеча “Эвертон”га қарши кечган (1:0) учрашувдан олдин ушбу маросим тантанали равишда ўтказилди.

2 апрель куни Чарльтон “Манчестер Юнайтед” клуби таркибида дебют ўйинини ўтказганига роппа-роса 60 йил тўлди. Афсонавий футболчи “Қизил иблислар” таркибида 758та учрашув ўтказиб, рақиблар дарвозасини 249 бор ишғол қилган. Англия терма жамоаси либосида эса 106та ўйинда 49та гол киритган.

Англия терма жамоаси сафида 1966 йили жаҳон чемпиони, ўша йилнинг ўзида “Олтин тўп” сҳҳиби бўлган. Кечаги маросимга 78 ёшли Чарльтон рафиқаси Норма билан ташриф буюрди. Сэр Боббини стадион тўла мухлислар олқишлар билан қарши олишди.