Бугун Ўзбекистон профессионал футбол лигаси мамлакат чемпионатининг навбатдаги турида хизмат қиладиган ҳакамлар рўйхатини эълон қилди.
Хабарингиз борки, “Навбаҳор” 4-турда Муборакнинг “Машъал” клуби меҳмони бўлади. 9 апрель куни Муборакда бўлиб ўтадиган учрашувни андижонлик ҳакамлар бригадаси бошқариб боришади. Хусусан Тимур Тўхтасинов бош ҳакамлик вазифасини бажаради. Унга қанотларда ҳамшаҳарлари Анвар Маражабов ва Зиёдулло Абдураҳмоновлар ёрдам беришади. Захирадаги ҳакам сифатида бухоролик Шуҳрат Ражабов қайд этилган. Муборак шаҳрига назоратчи сифатида Дмитрий Роман ташриф буюради.
