"Вольфсбург" бош мураббийи Дитер Хеккинг ЕЧЛ чорак финалида "Реал" устидан қозонилган ғалабадан сўнг (2:0) фикрлари билан ўртоқлашди.

"Жамоа ва мухлисларга катта раҳмат. Ҳаммаси мен ўйлагандай бўлиб чиқди. Биз "Реал"ни айнан асабийлашишини кутган эдик. Курашдик, қатиқ меҳнат қилдик, қайсидир вазиятларда омадимиз келди, мухлислар ҳам бизни фаол қўллаб турдилар. Буларни ҳаммаси ҳаққоний ғалабамизга сабаб бўлди. Аҳволимиз жуда яхши, аммо Мадридда бизни нима кутиб турганини тушуниб турибмиз.

Кеча сизларга қараб туриб менинг гапларимга ҳеч ким ишонмаслигини билдим. Кўриб турганингиздек, футболда ҳамма нарса бўлиши мумкин. "Реал"ни мусобақадан чиқариб юбориш имкониятимиз бор ва бундан фойдаланмоқчимиз", - дейди Хеккинг.