"ПСЖ" бош мураббийи Лоран Блан ЕЧЛ чорак финалида "Манчестер Сити"га қарши биринчи учрашувдаги дуранг (2:2) натижадан қониқмаганини билдирди.
"Натижа бизни хурсанд қилмайди. Билмадим, асабданми, биз жуда кўп хатоларга йўл қўйдик. Айниқса "Сити"нинг иккинчи голида. Ахир меҳмондаги гол қанчалик муҳимлигини ҳаммамиз яхши биламиз. Агар статистикага қарасак, ўзимиз хоҳлаган ўйинни кўрсатдик. Аммо биз хатоларга йўл қўйдик, бунга қайсидир маънода рақибнинг кучи ҳам сабаб бўлди.
Бугун Иброҳимович кўп нарсани бошдан кечирди. Пенальтини ура олмади ва яна бир ажойиб вазиятдан фойдалана олмади. Бугун унинг куни эмаслигидай туюлиб турганда гол урди. Уйда биринчи марта гол ўтказиб юбораётганимиз йўқ, аммо сафарларда ҳам гол ура олишимизни бир неча марта исботлай олганмиз. Шундай ўйин кўрсатсак ва хатолар қилмасак, юришимиз давом этади", - дейди Блан.
