2016 йилнинг сентябрь ойида Ҳиндистонда бўлиб ўтадиган Осиё чемпионатига тайёргарлик кўраётган Ўзбекистон ўсмирлар терма жамоаси 8 апрель куни ўзининг навбатдаги ўқув-машғулот йиғинларига киришади.
Ушбу йиғин Тошкентда бўлиб ўтади ва 15 апрель санасига қадар давом этади. Бир ҳафта давом этадиган тайёргарликнинг ушбу босқичи давомида Темур Олимхўжаев бошчилигидаги жамоа Польша ўсмирлар терма жамоаси билан иккита назорат учрашуви ўтказади.
Польшага қарши дастлабки ўйин 13 апрель куни соат 16:00да бошланса, иккинчи учрашув 15 апрель куни 16:00да старт олади. Ҳар икки ўйин ҳам Тошкентдаги “Жар” стадионида бўлиб ўтади.
Таъкидлаш керакки, 16 ёшгача бўлган футболчилар ўртасидаги Осиё чемпионати 2016 йилнинг 15 сентябрь – 2 октябрь саналари давомида, Ҳиндистонда бўлиб ўтади. Унда Осиёнинг 16 мамлакати ўсмирлари иштирок этади.
Ушбу турнир саралаш баҳслари давомида Темур Олимхўжаев бошчилигидаги терма жамоа Мальдив (8:0), Фаластин (6:0) ҳамда Яман (5:2) жамоалари устидан ғалаба қозониб, “А” гуруҳи ғолиби сифатида қитъа биринчилигига йўл олганди.
Қуйида Ўзбекистон ўсмирлар терма жамоасининг 8 апрелда бошланадиган йиғинига жалб қилинган футболчилар рўйхатини кетириб ўтамиз.
