"Челси" бош мураббийи Гус Хиддинк ёзда ўзини алмаштирадиган мутахассис Антонио Контени қўллаб-қувватламоқда.

"Конте душанба куни таништирилди, шунингдек, унинг бу ерга ташрифбуюриши ва футболчилар билан кўришиши сўралган эди."

Мен бу нарса футболчиларни чалғитмаслигини истардим. Учрашув жуда тез ва қисқа муддатда бўлиб ўтди. Бу сешанба куни эди.

Унга жуда қийин бўлади. 2009 йилда жамоани биринчи марта қабул қилганимда шунга ўхшаш ўтиш даври бўлган эди. Аммо у вақтда таркибда кучли шахслар бор эди.

Клубда Англия футболи маданиятини, айниқса клуб маданиятини яхши тушунадиганлар кўп эди. Масалан, Фрэнк Лэмпард, Джон Терри, Михаэль Баллак, Майкл Эссьен, Дидье Дрогба. Ҳозир вазият бошқа ва осон бўлмайди.

Конте Италияда муваффаққиятларга эришди, "Ювентус"ни совринларга эриштирди. Бу жуда яхши ҳолат, чунки "Челси"дагилар ҳар доим совринлар ютишни истайдилар.

У топ-клубларда ҳар доим юзага келадиган босимларга бардош бера оладиган мураббий.

Биз у билан учрашдик, футбол, Италия ва ўтмиш ҳақида суҳбатлашдик. Клубда бажарилган ишлар ва шунга ўхшаш мавзуларда гаплашдик. Шу", - дейди Хиддинк.