Англиянинг Хэрроу шаҳрида шахмат бўйича йирик халқаро мусобақа бўлиб ўтмоқда. "Colin Crouch Celebration Chess Congress" халқаро мусобақасида айни дамга келиб 8 тур ортда қолди.
Ушбу мусобақа юртимиз шарафини ҳимоя қилаётган Жаҳонгир Воҳидов дастлабки 5 турда кетма-кет ғалаба қозониб, карвонбошига айланиб олганди. Бироқ ундан кейинги 3 турда дурангга имзо чекди. Бундан унумли фойдаланган венгриялик Ференц Беркеш ҳам очколари сонини 6.5 тага етказиб олди.
Айни дамда турнир жадвалида ҳар икки шахматчи худди шунча очко билан етакчилик қилишмоқда. Фақатгина қўшимча кўрсаткичлар эвазига венгриялик спортчи биринчи ўринда турибди. Сўнгги турни ҳамюртимиз Петер Батчелорга қарши ўтказса, Беркеш америкалик Тимур Гареевни синовдан ўтказади.
