"Лестер" бош мураббийи Клаудио Раньери "Сандерленд" устидан қозонилган ғалабадан сўнг (2:0) фикрлари билан ўртоқлашди.
"Оғир бўлишини билар эдик. "Сандерленд" чемпионатдаги ўрин учун қаттиқ курашмоқда, шунинг учун бугунги уч очко биз учун жуда муҳим. Варди учун бугун гол уриш жуда муҳим эди, у голсиз сериясини тугатиши лозим эди. Биз хотиржамликни сақлаб, бугун йўл қўйган хатоларимиз устида ишлашимиз керак. Ичимда кечаётган ҳисларни тушунтириб беролмайман", - дейди Раньери.