Англия футбол лигаси "Лестер" юзасидан текширувлар олиб бормоқда. "Тулкилар" премьер-лигага йўл олган 2013-14 мавсумда молиявий фйр-плей қоидаларини бузганликда гумон қилинмоқда, дея хабар беради Guardian.
"Лестер" президенти Вичай Шриваддханапрабха клубни 2010 йилда сотиб олган ва шу кунгача унга 100 миллион фунт сарфлаган.
2014 йилда "Лестер" раҳбарияти Trestellar Ltd компанияси билан клуб брендини Британия ва Жануби-Шарқий Осиёда оммалаштиришга киришди ва бундан тижорий даромад ва ҳомийлик маблағларини орттириб олди. "Лестер" 2013 йилни 34 миллион фунт зарар билан якунлади, аммо тушган маблағлар ҳисобиша бюджет дефицитини камайтиришга эришди.
"Лестер"нинг 2014 йилги молиявий ҳисоботида Trestellar Ltd компанияси King Power компаниясига ўз логотипини ўйин формасига туширишга ва "Уокерс" стадионини қайта номлаш ҳуқуқини сотгани кўрсатилган. Аммо Шриваддханапрабха реклама ва стадион номланишидан Trestellar Ltd билан келишувдан олдин фойдаланган. Клуб даромади Trestellar Ltd билан келишувдан сўнг 10,8 миллион фунтга ортган. Бу эса лиганинг эътиборини тортган.
