"Барселона" президенти Хосеп Мария Бартомеу ЕЧЛ чорак финали жавоб учрашувида "Атлетико"дан учралган мағлубиятда (0:2) ҳакамни айблаш ўринсиз эканини билдирди.
"Биринчидан, иккита яхши ўйин кўрсатган "Атлетико"ни табриклайман.Бу клубни бошқараётганимдан буён энг ёмон куним дея олмайман. Бу мағлубиятдан узоқ хафа бўлиб юрмаслигимиз керак. Ўзимизга келиб, диққатимизни чемпионатга қратишимиз керак. Испания чемпионатида биринчи ўринни олиб, май ойида мамлакат Кубогини қўлга киритишга ҳаракат қилишимиз керак. Бугун хафамиз, аммо эртадан янги кун бошланади.
Белгиланмаган пенальтига келсак, афсуски ҳакам буни кўрмади. Пенальти бор эди, аммо ҳакамни айблай олмаймиз. Нима бўлганда ҳам "Атлетико" бугун ажойиб ўйин ўтказди", - дейди Бартомеу.
