"Реал"нинг собиқ бош мураббийи Карло Анчелотти эски рақиби "Барселона"га ҳакамларнинг ўзгача муҳаббати ҳақидаги фикрларга изоҳ берди.
"Ҳакамлар "Барселона"ни яхши кўришадими? У даражада эмас. Ҳакамлар хато қилишлари мумкин: баъзан сенинг фойдангга, баъзан рақиб фойдасига. Ҳакамларининг ишини ҳурмат қилишга ҳаракат қиламан, уларга осон эмас.
Брихнинг обрўси Европада баланд, шунинг учун "Атлетико"ни "Барселона"га қарши биринчи учрашувида каталонияликларга ёрдам берди деб ўйламайман. Агар у хато қилган бўлса, қўрқинчли жойи йўқ, бу ҳаммада бўлиши мумкин.
Торресга берилган қизил карточка - ҳакамнинг хатоси эмас, Фернандонинг соддалиги. Уч йил аввал бошқарувимдаги "ПСЖ" билан "Барса"нинг учрашувида натижани Месси ва "Камп Ноу"даги ишқибозлар қилган эди, ҳакам эмас", - дейди Анчелотти.
