Бугун Европа катта футбол байрами давом эттирилади. Нуфузи бўйийа ЕЧЛдан кейин турувчи қитъанинг яна бир йирик мусобақаси Европа лигасида ҳам 1/4 финал жавоб баҳслари ўтказилади.

Марказий баҳсда "Ливерпуль" ўз майдонида Дортмунднинг "Боруссия" клубини қабул қилади. Мазкур ўйин "қизиллар" учун яна шуниси билан аҳамиятлики, улар бу турнирни юта олмаса, кейинги йилда ЕЧЛда иштирок этиш ҳуқуқидан маҳрум бўлади. Сабаби улар айни дам Премьер-лигада 48 очко билан 8-поғонада бормоқда.

"Боруссия Д" эса деярли иккичи ўринни нақд қилиб бўлди. Жамоаларнинг Германияда ўтган илк баҳсида 1:1 ҳисобидаги жанговар дуранг қайд этилди.

Яна бир қизиқарли кечиши кутилаётган баҳсда турнирнинг амалдаги чемпиони "Севилья" ўз майдонида Бильбаонинг "Атлетик" жамоасини синовдан ўтказади. Уларнинг илк баҳсида 1:2 ҳисобида андалусияликлар зафар қучган эди.

Европа лигаси 1/4 финал жавоб баҳслари Тошкент вақти билан 00:05да бошланади.

"Ливерпуль" (Англия) - "Боруссия Д" (Германия)
Биринчи ўйин: 1:1

"Севилья" (Испания) - "Атлетик Б" (Испания)
Биринчи ўйин: 2:1

"Брага" (Португалия) - "Шахтёр" (Украина)
Биринчи ўйин: 1:2

"Вильярреал" (Испания) - "Спарта" (Чехия)
Биринчи ўйин: 2:1