"Боруссия" Д клуби бош мураббийи Томас Тухель Европа лигаси чорак финалида "Ливерпуль"га қарши жавоб учрашувидаги мағлубиятдан сўнг (3:4) ўйин натижасидан қониқмаганини айтди.
"Учрашув натижасини тушунтириб бера олмайман, чунки бу мантиққа зид бўлди. Ўйин ҳаяжонларга тўла бўлди. Ҳисоб 3:3лигида ҳеч ким шундай тугашига шубҳа қилмаётган эди. Бу тақдир, ўйинни ўз фойдамизга ҳал қила олмадик. Спортда ғалабалар муҳим, бугун буни уддалай олмадик. Мағлубиятни тан олишимизга тўғри келади ва "Ливерпуль"ни табриклаш керак. Мағлубиятни чемпионларча қабул қилиш керак", - дейди Тухель.