Олий лига бешинчи туридан жой олган “Қизилқум” — “Пахтакор” учрашуви Навоий вилоят телерадиокомпанияси ижодкорлари саъй-ҳаракатлари билан тўғридан-тўғри вилоят телевидениесида трансляция қилиниши режалаштирилган.
Учрашув 15 апрель куни соат 18.00 да бошланади. Учрашувни ҳамкасбимиз, таниқли футбол шарҳловчиси Раҳмонқул Болтаев стадионнинг ўзидан шарҳлаб боради.
Шунингдек, мазкур ўйин Sport TV орқали 16 апрель оқшомида соат 22.10 дан бошлаб ёзиб олинган ҳолда телетомошабинлар ҳукмига ҳавола қилинади.
Эслатиб ўтамиз, Навоий вилоят телевидениеси орқали 3-турнинг “Қизилқум” — “Олмалиқ” учрашуви тўғридан тўғри илк маротаба трансляция қилинган эди.
