"Арсенал" бош мураббийи Арсен Венгер ўз шогирди, жамоа яримҳимоячи Месут Ўзил борасида фикрларини билдирди.

"Ўзил бу мавсумда анча самарали ўйин кўрсатди, кўплаб вазиятлар яратди ва кўп гол урди. У мунтазам гол урмайди, аммо умид қиламанки, мавсум охиригача голлари сонини 10тадан оширади. Аммо у лига ассистентлари рўйхатида ҳаммани ортда қолдирди. Шунинг учун у бу совринга лойиқ" - дейди Венгер.

Англия профессионал футболчилар ассоциацияси (PFA) АПЛнинг мавсумдаги энг яхши ўйинчиси номига номзодлар рўйхатини эълон қилди. Бу совринга Ўзилдан ташқари Димитри Пайет («Вест Ҳэм»), Гарри Кейн («Тоттенҳэм»), Жейми Варди («Лестер»), Н'Голо Канте («Лестер») ва Риёд Маҳрез («Лестер») номзод бўлиб турибдилар.

Месут Ўзил АПЛнинг ушбу мавсумида 30 ўйинда олти гол урган ва 18 марта голларга узатма оширган.