Хабарингиз бор, Европа Лигасининг чорак финал баҳсларида Дортмунднинг "Боруссия" жамоаси "Ливерпуль" жамоаси билан баҳс олиб борди. Дастлабки учрашувда 1-1 ҳисоби қайд этилган бўлса, иккинчи учрашув драматик тарздакечди ва 3-1 ҳисобида ортда бораётган "1қизиллар"якунда 4-3 ҳисобида ғалаба қозониб, мусобақанинг ярим финалига йўл олди.
Эътиборлиси, чорак финалга қуръа ташланагандаёқ ушбу иккала жамоа ўртасидаги баҳсни барча футбол ишқибозлари интизорлик билан кутишди. Бунинг сабаби эса ҳозирдв "Ливерпуль" устози, бир неча ой муқаддам "Боруссия" клуби бош мураббийи вазифасида ишлаган Юрген Клопп эди. "Боруссия"ни Германиянинг ўртамиёна жамоасидан Европанинг гранд жамоасига айлантира олган Клоппнинг собиқ шогирдларига қарши ўйини ҳақиқатда кутилганидек ўтди. Биз ҳозир ўйинга батафсил тўхталмоқчи эмасмиз. Ўйиннинг якуни қандай бўлганини сайтимиз карикатурачи рассоми Жавлон Назаров талқини бўйича кўрсатмоқчимиз, холос. Рассомимиз маҳоратига баҳо бериш сизнинг зиммангизда.
Биз эса карикатурага биргина ўзбек мақолини изоҳ сифатида келтириш билан чекланамиз:"Ўзингдан чиққан балога..."
