АПЛ чемпионлигига асосий даъвогар бўлиб турган «Лестер» жамоасининг бош мураббийи Клаудио Раньери жамоа ўйини ҳақида яна бир марта камтарлик билан фикр билдириб ўтди.

«Ҳозир биз табассум қилишимиз ва ўз ўйинимизни давом эттиришимиз мумкин. Чунки, вазифамиз бажарилди. Биз энди турнирни тарк этишдан қутилиб қолганмиз.

Бу мўъжиза. Биз ўзимизни хотиржам ва хавфсиз ҳис қилмоқдамиз. Эслаб кўринг, биринчи тур олдидан Раньери мавсум давомида ишдан бўшатилишга номзод бўлган мураббийлар орасида биринчи бўлиб турарди, энди эса «Лестер» – турнир жадвалида биринчи ўринда. Мен мавсум бошидаги муносабатни жуда яхши эслайман.

Мен жамоамга қарайман ва футболчиларнинг характери ҳамиша ҳозиргидек бўлиб қолишини истайман.

Ҳаётда ҳамиша қуёш чарақлаб турмайди. Баъзида ҳаво ёмонлашади, шундай вақтда бирлашиб керак», – дейди Раньери.

«Лестер» энг яқин таъқибчиси «Тоттенҳэм»ни 7 очко ортда қолдирган ҳолда биринчи ўринда бормоқда. Жамоа кейинги 5та турдан 3тасида ғалаба қозонса мавсум чемпиони бўлади.

Жамоа бугун, 17 апрель куни 33-тур доирасида «Вест Ҳэм»ни қабул қилади.