"Манчестер Сити" клубининг ҳозирги кундаги бош мураббийи Пеллегрини клубнинг бугунги муваффақиятсизлигига бўлажак мураббий Гвардиоланинг "ҳиссаси" борлигини айтмоқда. 

"Бир қанча сабабларга кўра биз февралдаги муҳим ўйинларни ютқаздик. Бугун биз чемпионлик пойгасида эмаслигимизга сабаб бўлган "Лестер" ва "Тоттенҳем" ўйинларда ютқазиб қўйдик. Қандай қилиб кутилмаганда бу жамоаларга ютқазиб қўйганимизни мен ҳали ҳам ўйлайман! Бизнинг титул учун курашмаётганимизнинг бир нечта бизга боғлиқ бўлмаган сабаблари бор. Февраль ойи бошида кейинги мавсумда клубда бош мураббий ўзгариши ва клубдан қайси футболчилар кетиши ҳақида гап-сўзлар тарқалди. Футболчи учун кейинги мавсумда клубда нималар содир бўлиши мумкинлиги, қайси футболчилар кетиб, кимлар келиши ҳақидаги янгиликларни ўқиш осонмас. Истайсизми йўқми, бу футболчининг фикрини чалғитади. Айнан шу сабаб биз бугун жадвалнинг юқорисида эмасмиз".