«Реал» клуби футболчилари бош мураббий Зайниддин Зидан қўл остида ишлашдан қониқиш ҳосил қилишмоқда.
"Marca" нашри тарқатган хабарга кўра, мадридликлар футболчиси Криштиану Роналду ва жамоанинг бош етакчилари мавсумдаги натижадан қатъи назар Зидан клубда қолишини исташмоқда.
Франциялик мутахассис илк кунларданоқ футболчилар билан тил топиша олди ва уларнинг ишончини қозонди. Ўйинчиларнинг фикрича, агар "Реал" Зиданни ишдан бўшатса, жамоа ўтган мавсумдаги хатога йўл қўяди. Эслатиб ўтамиз, ўтган мавсум сўнгида клуб президенти Флорентино Перес бош мураббий Карло Анчелоттини истеъфога чиқарганди.
Рафаэль Бенитес истеъфога чиқарилганидан кейин «Реал» Зидан бошқарувида Чемпионлар лигасининг ярим финалига чиқди. Ла лигада эса «Барселона» ва «Атлетико»дан 1 очкога ортда қолган ҳолда, 3-ўринни эгаллаб турибди.