"Рома" бош мураббийи Лучано Спалетти А сериянинг 34-турида "Торино" устидан иродали ғалабадан сўнг (3:2) жамоа ҳужумчиси Франческо Тотти шаънига мақтовлар битди.
Тотти учрашувнинг 86-дақиқасида майдонга тушиб, "дубль"га эришди.
"Бу ўта муҳим ғалаба эди, айниқса рақобатчиларнинг натижаларини олганда. Бугун Тотти ундан сўраган нарсамни бажарди. "Аталанта" билан учрашувда (3:3) ҳам шундай бўлган эди. Франческо майдонда бўлса бутун стадион биз билан бўлади, қолган ўйинчилар ҳам шу муҳит таъсирига кирадилар. Бугун биз уни эртароқ майдонга туширмоқчи эдик, аммо "Торино"нинг иккинчи голи қарталаримизни чалкаштириб юборди.
Жамоамиз муаммолар ичида қолса, бунинг энг яхши ечими - Тотти. Бугун ўйиннинг боришини ўзгартира олдик, бу қизиқишни янада оширади", - дейди Спалетти.
