Мустақиллик шарофати билан мамлакатимизда аёллар спортига бўлган эътибор ошди. Бугунги кунда юртимизда спорт турли соҳасида фаолият юритиб, мамлакатимиз шарафини муносиб ҳимоя қилаётган аёллар сони кўпчиликни ташкил этади. Буларнинг замирида спортга бўлган юксак эътибор ётади, десак муболаға бўлмайди.
Хусусан, Қўқонда ҳам юртимиз довруғини дунё танитаётган аёл спортчиларимиз кўпчиликни ташкил этиши кишини хурсанд қилади.
Улардан бири – Екатерина Тунгусковадир. Екатерина Қўқон енгил атлетика мактаби тарбияланувчиси саналади. У Осиё қитъаси вице-чемпиони, бир неча бор Республика чемпиони, Универсиада ўйинларининг 4 карра ғолиби сифатида тарих зарварақларидан ўрин эгаллаган.
Ҳозирги кунда Екатерина шу йил ёзда Бразилиянинг Рио де Жанейро шаҳрида бўладиган олимпиада йўлланмасини қўлга киритиш учун астойдил тайёргарлик кўрмоқда. Қаҳрамонимиз енгил атлетиканинг энг мураккаб йўналишларидан бири -марафон мусобақасида иштирок этади.
Қўқонлик спорт ишқибозлари номидан РИО йўлида интилаётган Катяга омад тилаб қоламиз! Биз сенга ишонамиз, Катя!
Акрамжон Мамадалиев тайёрлади
