"Интер" бош мураббийи Роберто Манчини Италия чемпионатида "Женоа"дан учралган мағлубиятдан сўнг (0:1) фикрларини билдирди.
"Биз яхши ўйин ўтказдик ва "Женоа"ни мағлуб этишимиз керак эди. Вазиятларимиз шу даражада кўп бўлдики, танаффусга 2:0 ҳисоби билан чиқишимиз мумкин эди.
Афсуски, вазиятларни голга айлантира олмадик ва рақиб тўпини ўтказиб юбордик. Ақлдан озирувчи ўйин бўлди.
"Женоа"га қарши ўйнаш ҳар доим қийин бўлган. Ўтган йили биз уларга 93-дақиқада ўтказиб юборган эдик.
Аввалроқ чемпионлар лигасига чиқиш имкониятимиз кўпроқ бўлган эрса, энди тобора камайиб бормоқда. Кам гол уряпмиз", - дейди Манчини.
