"Интер" хўжайини Эрик Тохир "Фулҳэм"ни сотиб олиши ҳақидаги миш-мишларга изоҳ берди.
"Мен Англиянинг қайсидир клубини сотиб олмоқчи эмасман. Бундай миш-мишлар қаердан келади, билмайман.
"Интер"нинг 20 фоиз акцияларининг сотилиши ҳақидаги хабарлар ҳам ёлғон. Мен бу ерга "Интер"ни қуриш учун келганман, қочиш учун эмас.
Мен келажак учун жамоа тузмоқчиман. Айнан шунинг учун раҳбариятга ишонаман ва акцияларнинг назорат пакетини сотмайман.
Массимо Моратти билан муносабатларимиз жуда яхши, бу ҳақида кўп гапирганман. Миш-мишлар қаердан чиқаётганини билмайман", - дейди Тохир.
