"Интер"нинг таниқли ўйинчиси, ҳозирда клубда вице-президент бўлиб ишлаётган Хавьер Занетти фаолиятининг охиригача шартнома имзолади.
Бу ҳақда клуб расмий сайти хабар бермоқда.
"Фаолиятимнинг қолган қисмини мен учун ҳар қандай жойдан севимли бўлган клубда ўтказиш - мен учун фахрдир. "Интер" - мен ва оиламнинг энг яхши йилларидир", -- дейди Занетти.
Эслатиб ўтамиз, Занетти футболчи сифатида "Интер"да 19 мавсумни ўтказган ва 852 учрашувда иштирок этган. 2014 йилда футболчилик фаолиятини якунлаган.