«Барселона» ҳужумчиси Луис Суарес Испания чемпионатининг 35-тури доирасида Хихоннинг "Спортинг" клуби дарвозасига 4та гол уришга муваффақ бўлди. Бу орқали футболчи клуб тарихидан ўрин олди.
Уругвайлик ҳужумчи "Барселона" тарихида бир мавсумда барча мусобақаларда 50тадан ортиқ гол урган иккинчи футболчига айланди. Суареснинг ушбу мавсумда урган голлар сони 53тага етди. Каталонияликлар сафида бундай натижага фақат Лионель Месси эришганди. Аргентиналик футболчи 4 марта бир мавсумда 50дан ортиқ тўп киритган.
Бундан ташқари, Криштиану Роналду ҳам бир "Реал" сафида бундан натижани 4 марта қайд этган. "Овьедо" футболчиси Исидро Лангара ҳам 30-йилларда бир мавсумда 50дан ортиқ гол уришга муваффақ бўлган.